Lo 27 d’octobre que ven lo XXIXen Conselh plenièr de la CTP se tendrà a Tolosa. Los Presidents dels 8 territòris de la CTP s’amassaràn, e un bilanç serà fach de la Presidéncia tenguda per Miègjorn-Pirenèus aquelas doas darrièiras annadas, e aquela Presidéncia serà transferida de Miègjorn-Pirenèus a la Navarra aprèp una taula redonda sul tèma seguent : lo futur de l’integracion transfrontalièira (aprèp 2013) e la remesa dels prèmis de la CTP. De mai, coma l’an passat, un forum serà organisat amb la participacion de beneficiaris divèrses del POCTEFA.

Lo forum dels projèctes POCTEFA es mai de 30 estands de presentacion de projèctes jà programats e en cors de realisacion, un estand d’informacion e de rescontra amb los gestionaris del POCTEFA, 300 participants que venon dels diferents territòris de la CTP… Aquel Forum dels projèctes del POCTEFA foguèt qualificat de bona pratica dins l’encastre de l’evaluacion del Plan de comunicacion del POCTEFA. Balha l’escasença als participants e visitaires de rescontrar los tecnicians del STC, de descobrir d’autres projèctes, de rescontrar d’autres actors del territòri e d’aprene de totas aquelas rescontras.
 
Venètz nombroses, lo 27 d’octobre a Tolosa, lo Conselh plenièr de la CTP es un moment privilegiat de rescontra de l’ensem dels acteurs pirenencs e una escasença de far un punt sus la cooperacion entre sos territòris transfrontalièrs

Podetz telecargar lo programa e inscrivetz-vos en linha en clicant aquí.