Ongan, pel primièr còp, gaireben 40 païses celebraràn la cooperacion e lo trabalh amassa entre las comunitats localas transfrontalièras, lo 21 de setembre de 2012.
Al delà de s’amusar, serà una escasença per descobrir totes los melhoraments qu’aquelas iniciativas localas an portat a totes los aspèctes de la vida jornalièra de totes: la creacion d’emplec, lo melhorament de l’atencion sanitària, la proteccion de l’environament, lo transpòrt o l’energia.
Aquel eveniment, organizat pel ret Interact, recep un sosten total de la Comission Europèa segon ditz Johannes Hahn, Comissari de l’Union Europèa per la Politica Regionala.
Lo comissari Johannes Hahn parla en sosten de la primièra Jornada de la Cooperacion Europèa, encoratja els ciutadans a partejar d’idèas al delà de las frontièras e solucionar amassa los problèmas comuns. Destaca los avantatges qu’a portat la cooperacion territoriala dins lo passat e lo besonh que la cooperacion territoriala augmente dins l’avenidor. Per clavar, Johannes Hahn encoratja lo mond a s’i engatjar e a participar a la Jornada de Cooperacion Europèa lo 21 de setembre de 2012.
Quant a la CTP, coma autoritat de gestion del programa de cooperacion territoriala POCTEFA, es previst d’organizar d’activitats artisticas per balhar de visibilitat a la cooperacion desvolopada dins l’encastre del programa POCTEFA. Aital, lo 21 de setembre, se realizarà lo liurament de prèmis de las òbras dels participants al concors d’art “Frontièra, espaci de cooperacion”. A l’encòp s’amiarà una accion d’art de carrièra a Pamplona ont per mejan de l’art escafarem de frontièras “totes amassa”. D’un autre costat, s’entressenharà al public subre ço qu’es lo POCTEFA, podrà trobar tota la informacion que desira subre la cooperacion dins lo territòri Espanha-França-Andòrra i tanben subre la cooperacion al nivèl europèu.
S’es mes en marcha un sit web web al nivèl europèu per promòure aquela jornada e la cooperacion europèa. http://www.europeancooperationday.eu/. Sus Facebook, s’es fach un grop e tanplan sus Twitter
