Es ja dobèrt lo tèrme d’inscripcion del concors LIMITIS FORUM, lo projècte de cooperacion transfrontalièra ganhant del Prèmi Joventut 2012 de la CTP.
S’agís d’un concors dirigit a joves amb d’atges compreses entre los 12 e los 20 ans, finançat per la Comunautat de Trabalh dels Pirenèus (Prèmi Joventut 2012) e organizat per Asociación Navarra Nuevo Futuro, Arit Toxicomanies, Hezizerb Elkartea, IRSE Alava e CPIE Littoral Basque.
Aquel concors visa crear de grops de joves d’educacion formala e non formala qu’amassa amb los sieus educators, animadors o professors, realizen un procès de reflexion sus la crisi actuala e bastisquen un laboratòri d’alternativas que se materializen dins una creacion vidèo d’aperaquí 5 minutas maximom.
Los MICROvidèos seràn avalorats per una jurada compausada per d’artistas e d’educators qu’autrejarà un prèmi al grop melhor avalorat de cada costat de la frontièra pirenenca. Al delà, en junh se debanarà una gala ont los assistents poiràn veire e avalorar los vidèos en autrejant a l’encòp lo “prèmi del public” a las melhoras creacions d’un e un autre costat dels Pirenèus.
Descargatz las basas aicí