La construccion del bastiment polivalent per la dinamizacion transfrontalièra s’es menat a tèrme dins l’encastre del projècte Espalet del POCTEFA.
Lo diluns 27 d’octòbre s’inaugurèron en la Doana del Portalet un centre de dinamizacion transfrontalièr e un sèti per la viabilitat ivernala, dos bastiments promoguts per l’Agropacion Europèa de Cooperacion Territoriala (AECT) Espaci Portalet per desvolopar lo melhorament de las comunicacions e las relacions entre Aragon e França.
L’AECT Espaci Portalet es integrada pel Gobierno de Aragón e lo Département des Pyrénées-Atlantiques qui, a travèrs d’aquela iniciativa, cercan assegurar una corrècta mantenença del pas transfrontalièr, mai que mai en l’epòca ivernala e sostener projèctes d’interès comun en l’encastre economic, sociocultural e toristic que repercutiscan en la generacion d’emplec e en la riquesa culturala dels dos territòris.
La presidenta del Gobierno de Aragón, Luisa Fernanda Rudi e lo president del Conseil Général des Pyrénées-Atlantiques, George Labazée participèron en l’acte d’inauguracion al qu’assistiguèron tanben representants europèus e la directora de la Comunitat de Trabalh dels Pirenèus, Cristina Prat.
La construccion del bastiment polivalent per la dinamizacion transfrontalièra s’es menat a tèrme dins l’encastre del projècte Espalet del POCTEFA (Programa Operatiu de Cooperacion Territoriala Espanha-França-Andòrra) qu’a aportat lo 65% del finançament total que s’eleva a 1,3 milions d’euros.
