La Direccion generala de politica regionala de la Comission Europèa publica cada quadrimestre la revista Panorama, sus questions restacadas a la politica regionala dins l’UE. Dins son edicion de prima 2013 soslinha lo ròtle qu’an exercit los fonzes estructurals en l’afrairament de comunautats dins lo continent europèu.
L’edicion de prima de Panorama, qu’a per títol“Afrairament de comunautats”, soslinha lo ròtle dels fonzes de coesion en l’aprochament entre comunautats e mai que mai a travèrs de l’exemple del programa PEACE.
D’un autre costat, aquela revista remarque lo rotle clau de la politica de coesion en la recuperacion del creissement economic en Euròpa. Dins l’avenir; aquela politica reforçarà encara mai l’obtencion dels objectius de l’estrategia « Euròpa 2020 » e se concentrarà a l’investiment durable gràcias a una utilizacion mai eficaça dels investiments regionals, nacionals e de l’Union.
Fin finala, cau soslinhar que la Comission a creat recentament una importanta basa de donadas sus bonas practicas dins l’encastre del desvolopament urban. Aquela basa de donadas servirà coma font d’informacion e d’inspiracion per las vilas, las autoritats de gestion e quina autra institucion que siá implicada en la politica urbana, en promovent d’aquela manièra un desvolopament urban mai intelligent, durable e integrator de las nòstras vilas.
Per consultar la version numerica de l’edicion de prima de la revista Panorama, cachatz aicí
