Lo 10 d’abrial, lo projècte TRANSTIC celebrèt lo Seminari Final de presentacion de resultats.
Aquel projècte POCTEFA a coma tòca contribuir a l’impulsion de las Tecnologias de l’Informacion e la Comunicacion (TIC) actuant coma esplech de desvolopament economic dels territòris e motivant la cooperacion transfrontalièra entre Navarra, Bascoat e Aquitània. Mai d’un milierat d’entrepresas e professionals d’aquelas regions an trabalhat amb las accions d’aquel projècte.

Roberto Elizalde, president d’ANTANA, l’associacion qu’es estada responsable d’aquela iniciativa, profitèt l’escasença per sotalinhar l’importància de la cooperacion transfrontalièra pel desvolopament dels territòris e lo ròtle de las TIC per acabar amb l’efièch termièra.

Pendent l’eveniment, s’organizèt una taula ronda subre los esplèches en linia per desvolopar la collaboracion entre entrepresas dels dos costats de la termièra e una autra taula subre las ajudas a la cooperacion transfrontalièra. En aquesta darrièra, los participants botèron l’accent sus l’importància de preparar los projèctes amb temps, d’en prumièr cal trobar los mèmbres adequats, e demandar conselh als organismes especializats.

A mai, 14 entrepresas e entitats recebèron lo Reconeissement TRANSTIC a la cooperacion transfrontalièra.

Totas las entre-senhas son dins d’aquel ligam.