Lo 21 d’octòbre a St. Pölten (Baissa Àustria) s’es tengut l’Encontre dels territòris europèus, iniciativa que fa seguida a la publicacion de las proposicions legislativas e budgetàrias de la Comission europèa per la futura politica de coesion.
Las regions, vilas e organizacions europèas an aculhit amb satisfaccion los projèctes de pagaments relatius a la politica de coesion, mas an convengut que restava encara un long camin a recórrer abans de sentir plenament l’impacte d’aquela politica sul terren. An destacat lo besonh de manténer un nivèl adequat de finançament, un enfocament fòrtament integat del desvolopament territorial, e an insistit sus l’importància de cooperacions qu’implican dirèctament las autoritats localas e regionalas dins lo procès de decision. En s’exprimint pel tot primièr còp d’una sòla e meteissa votz, an adoptat lo «Manifèst de St. Pölten», una declaracion conortant lo Conselh de l’Union europèa e lo Parlament europèu a sosténer los interèsses locals e regionals dins la politica de coesion. Martin MALVY, alavetz President de la Comunitat de Trabalh dels Pirenèus s’exprimissiá en aqueles tèrmes: «L’objectiu de collaboracion territoriala europèa es una de las politicas mai eficaças per respondre a las esperas dels ciutadans en tèrme de coesion sociala e territoriala, de desvolopament durable e de creissement economic. Segon la siá experiéncia, la CTP, qui regropa las Regions dels dos costats dels Pirenèus, demanda a l’UE un supòrt financièr aumentat pels programas de collaboracion transfrontalièra amb la fin d’assegurar una melhora aplicacion de l’estrategia Euròpa 2020 sus aqueles territòris.»
Se desiratz legir e/o telecargar lo manifèst en francés cliquez aicí e en anglés, clicatz aicí.
