La Ciutadèla de Pamplona acuelh quatre concèrts del Festival Jazz sus la Carrièra organizat per la Comuna de Pamplona e que se benefician de l’accion del programa Fortius per çò qu’es de la dinamizacion culturala de las muralhas de la vila.

Lo projècte Fortius que beneficia 65% de cofinançament europèu FEDER per mejan del programa POCTEFA, preten incrementar l’atractiu toristic del patrimòni fortificat de Pamplona e de Baiona. Per aquò, un dels aisses d’accion es lo dessenh de programas culturals e de prepausas restacadas a las muralhas, en ensajant d’atraire una partida del torisme de la còsta e de la montanha. Per aquò se trabalha amassa al dessenh de programacions culturalas e artisticas a l’entorn de las fortificacions que combinan l’art, la gastronomia e d’activitats ludicas, coma lo Festival Jazz sus la Carrèiera.
Segons la Comuna, cap del projècte Fortius, l’idèa long de las quatre de sessions es d’interpretar de programas divèrses, dirigits a tot tipe de public, amb d’estils de musica variats. Lo programa comencèt lo 27 de mai a 12h30 a la Ciutadèla e las seguentas accions se debanaràn los divendres 1, 8 e 22 de junh a 20h15.