La Direccion generala de Politica regionala de la Comission europèa ven de lançar los prèmis RegioStars 2014.
Los prèmis RegioStars, decernits dins l’encastre de l’iniciativa «Las regions, actrises del cambiament economic», recompensan l’identificacion, la comunicacion e la difusion de las bonas practicas innovairises finançadas al títol de la politica de coesion de l’Union europèa.
L’apèl a las candidaturas pels prèmis RegioStars 2014 es a l’ora d’ara dobèrt. Las categorias de prèmis per l’edicion 2014 son las seguentas:
1. Creissença Intelligenta : l’innovacion dins las PME
2. Creissença durabla : creissença verda e creacion de trabalhs mercés a la bioeconomia
3. Creissença inclusiva : crear d’emplecs per las joves generacions
4. Citystar : investir en transpòrts publics urbans durables
5. Grands projèctes d’investiment : eficacitat energetica e economia sòbria en carboni
Las candidaturas deuràn èsser mandadas al mai tard lo 19 d’abril 2013 per corrièr electronic a l’adreça REGIO-STARS@ec.europa.eu.
Los finalistas seleccionats poiràn presentar lors projèctes a una jurada independenta a l’ora de l’onzena Setmana europèa annala de las regions e de las vilas – JORNADAS PÒRTAS DOBÈRTAS 2013. La ceremònia de remesa dels prèmis se debanarà a Brussellas en començament de l’an 2014.
Per mai d’informacions sus las modalitats de depaus d’una candidatura, sustot los critèris d’eligibilitat dels projèctes e d’atribucion dels prèmis, consultatz lo sit web RegioStars.
http://ec.europa.eu/regional_policy/cooperate/regions_for_economic_change/regiostars_14_fr.cfm
en anglés : http://ec.europa.eu/regional_policy/cooperate/regions_for_economic_change/regiostars_14_en.cfm
