Lo 16 de junh se debanèt a Jaca un Comitat de Seguida del Programa Interreg V-A Espanha, França, Andòrra (POCTEFA 2014-2020). Foguèt lo primièr acamp del Comitat dempuèi que lo programa foguèt aprovat per la Comission Europèa lo 19 de mai de 2015
Dins d’aquel rescontre, s’aprovèron mantunes subjèctes que permetràn la realizacion del programa. Una de las decisions adoptadas foguèt que la primièra crida de projèctes se lançarà lo 10 de setembre de 2015 e los projèctes dispausaran de dos meses per depausar sas candidaturas.

Aquela crida se dobrís amb una dotacion FEDER de 71,2 millions d’euros que supausan lo 40% del budget del Programa. Dins d’aquel sens, mantunes documents de trabalh seràn leu disponibles, previsiblament a la fin de julhet, perque los actors interessats en presentar projèctes dins d’aquela primièra crida los pòscan consultar. Fins alara, lo novèl programa, que s’organiza en cinc aises tematics e dètz objectius especifics, es disponible aquí (FR e ESP).

Dins d’aquel acamp, s’atenguèron acòrds importants coma la nominacion dels coordinators territorials del programa: Generalitat de Catalonha per la zòna Èst, Govèrn d’Aragon per la zòna Centre e Departament dels Pyrénées-Atlantiques per la zona Oèst. A mai, s’aprovèron los Reglaments intèrnes del Comitat de Seguida atal coma del Comitat de Programacion qu’establisson las competéncias, la composicion, las funcions e los biaises de decision dels dos organes.

Tanben s’acordèt que lo Seminari de lançament del Programa se debanarà lo 29 de setembre a Saragossa. Leu se publicarà informacion subre lo contengut d’aquel seminari atal coma donadas practicas.

Per çò qu’es del Programa Operacional de Cooperacion Territoriala Espanha-França-Andòrra (POCTEFA) 2007-2013 encara en aplicacion, lo Comitat de Seguida donèt son vistiplau a l’Informe Annal 2014 que dins los jorns que venon serà mandat a la Comission Europèa per son aprovacion definitiva.

Escriu aquelas datas dins ton agenda!
10 de setembre: lançament de la 1ª crida de projèctes del POCTEFA 2014-2020.
29 de setembre: seminari de lançament del programa POCTEFA 2014-2020, en Saragossa.