En sos dos ans e mièg d’existéncia, Refbio a capitat la participacion de 2.100 cercaires d’Espanha e França en 17 projèctes de recèrca.
Lo Malhum Transfrontalièr de Recèrca Biomedicala dels Pirenèus REFBIO, constituida amb l’objectiu de desvolopar la cooperacion en sciéncias de la santat als dos costats dels Pirenèus, acabèt son primièr cicle lo darrièr 24 de març en una jornada debanada a Pampalona e organizada per Navarrabiomed – Fundacion Miguel Servet, sòci lidèr del projècte.
En sos dos ans e mièg d’existéncia, Refbio a capitat la participacion de 2.100 cercaires d’Espanha e França en 17 projèctes de recèrca transnacionals inscriches en dètz domenis d’interés estrategic. En l’eveniment de clausura del projècte POCTEFA que permetèt constituir aquel malhum, las entitats integrantas de REFBIO soscriguèron divèrses acòrdis de collaboracion per garantir la continuitat de la cooperacion fàcia a una nòva etapa en l’encastre europèu de la recèrca (Programa Orizont 2020).
L’eveniment foguèt presidit per la conselhièra de Santat del Govèrn de Navarra, Marta Vera, e comptèt amb la participacion de Cristina Ioga, responsabla de comunicacion de la Comunautat de Trabalh dels Pirenèus (CTP), a mai de la de representants de las uèch entitats integrantas de REFBIO.
