Per un costat, la Mission Operacionala Transfrontalièra organiza una granda conferéncia intitulada «Territòris transfrontalièrs, politicas regionalas e nacionalas: quina coordinacion a l’orizont 2014-2020?», lo 24 d’octòbre de 2012 a París. Per un autre costat, organiza tanben lo «Primièr seminari europèu sus l’observacion dels territòris transfrontalièrs», lo 10 de decembre a Nancí.

Lo primièr eveniment a París lo 24 d’octòbre s’inscriu dins una actualitat politica importanta: al nivèl europèu, l’elaboracion de la politica de coesion 2014-2020, e al nivèl francés, la redefinicion de la politica transfrontalièra dins l’encastre d’una nòva estapa del procès de descentralizacion.
S’agís de la conferéncia finala d’un projècte Europ’Act portat per la MOT dempuèi junh 2011, la jornada serà l’escasença de restituir los trabalhs menats dins aquel encastre per melhorar l’articulacion entre la politica de coesion, los dispositius de governança e las logicas territorialas transfrontalièras. Los escambis metràn en debat las conclusions del projècte, resumidas dins una guida metodologica en comprenent un diagnostic transversal dins las frontièras francesas e de recomandacions de melhorament de l’encastre existent de la collaboracion transfrontalièra.
La segonda conferéncia prevista a Nancí lo 10 de decembre s’inscriu dins un prètzfach de grand vam portat per la MOT dempuèi la siá creacion, amb la DATAR, la FNAU e las agéncias d’urbanisme frontalièr dins las frontièras francesas.
Illustrat per de prètzfaches locals que son modèls en la matèria, lo seminari serà l’escasença d’un debat a l’entorn dels espèrs dels actors locals representants de territòris transfrontalièrs. Priorizarà lo ròtle de l’observacion al servici de las politicas publicas, e los aspèctes ligats a l’utilizacion dels resultats produsits.
Los programas e l’informacion completa pòdon èsser consultats sul sit web de la MOT, www.espaces-transfrontaliers.eu. Ça que la, las inscripcions per la primièra conferéncia son ja clavadas.