Los 24 e 25 octòbre passats, los estudiants del Master Sciéncias umanas e socialas, mencion Estudis europèus e internacionals, especialitat relacions transfrontalièras a finalitat professionala de l’Universitat de Perpinhan Via Domitia (UPVD) poguèron assistir, dins l’encastre de la lor formacion, a una presentacion de la CTP coma un cas concrèt e practic d’una organizacion transfrontalièra.
Ludovic Lareynie, gestionari de projèctes POCTEFA al Consòrci de la CTP presentèt la CTP e a faguèt un zoom particular sus la CTP, coma autoritat de gestion del programa POCTEFA en metent en lum los desparièrs aspèctes del programa (territòri, aisses prioritaris, accions, enjòcs e projèctes…) e las especificitats restacadas a la siá gestion. Segons Ludovic Lareynie, aquel escambi amb los estudiants es autant interessant per eles que per nosautres. En efièch, es essencial de los confrontar a las realitats e als desparièrs biaisses que pren l’accion transfrontalièra. Mas per nosautres, es tanben una experiéncia fòrça enriquidoira, d’un costat nos far conéisser de près aquel public mas tanben perque aqueles estudiants son de futurs professionals de las relacions transfrontalièras.
Per donar als estudiants una vision encara mai precisa, una reünion amb de responsables dels projèctes portats per l’UPVD sul programa actual es estada egalament organizada.
