La tòca: convertir la diferéncia en riquesa e demolir las frontièras a travèrs del lengatge comun de l’art e del circ.
La pista de gèl de Jaca aculhiguèt, lo 21 de setembre darrièr, l’eveniment del Jorn de Cooperacion Europèa qu’organiza cada an la Comunautat de Trabalh dels Pirenèus (CTP) dins son ròtle coma Autoritat de Gestion del Programa Operatiu de Cooperacion Territoriala Espanha-França-Andòrra (POCTEFA).

La legenda de Pirene subre la formación dels Pirenèus e l’idéia europèa de superación de frontièras faguèt de fial conductor d’un espectacle de circ ont intervinguèron d’artistas venguts de divèrsas regions e países. La tòca: convertir la diferéncia en riquesa e demolir las frontièras a travèrs del lengatge comun de l’art e del circ.

La Comunautat de Trabalh dels Pirenèus aprofitèt a mai lo Jorn de la Cooperacion Europèa per far conéisser al monde e toristas de Jaca mantunes projèctes confinançats a travèrs del POCTEFA pendent lo periòde 2007-2013.

L’associacion oscenca ANIMAHU e la Comuna de Jaca, sòcis dels projèctes de cooperacion pel desvolopament del circ PYRÉNÉES DE CIRQUE e CIRC-QUE-O!, participèron tanben en l’organizacion e lo desvolopament de l’eveniment.

L’espectacle serviguèt coma clausura de la tresena edición del cicle ‘Pirenèus Magics’ qu’organiza cada an la Comuna de Jaca.