Del 19 al 21 de setembre, la plaza del Castillo de Pamplona s’omplirà de colors amb las activitats d’art sus la carrièra organizadas a l’escasença del Jorn de la Cooperacion Europèa. S’installarà una fila de pèças de dominò gigantas que seràn pintadas per desparièrs collectius. Lo 21 s’empencharàn per far tombar las frontièras.

Lo Jorn de la Cooperacion Europèa es una oportunitat per donar de visibilitat al trabalh que menam a tèrme los projèctes de cooperacion transfrontalièra. Ongan, pel primièr còp, qualques 40 païses celebraràn la cooperacion e lo trabalh amassa entre las comunitats localas transfrontalièras, lo 21 de setembre de 2012. Lo POCTEFA avèm volgut jonchar aquela iniciativa en organizant d’activitats publicas a Pamplona, en Navarra, region qu’a la presidéncia rotatòria de la CTP, autoritat de gestion del programa POCTEFA. S’organizaràn d’activitats d’art sus la carrièra del 19 al 21 e se farà difusion de las informacions suls programas de cooperacion europèa, mai que mai sul POCTEFA. Al delà, la velha, lo 20 de setembre, pendent la serada, se debanarà al Govèrn de Navarra lo liurament de prèmis del concors d’art “Frontièra, espaci de cooperacion”.
Divèrses collectius pintaràn las pèças de dominò gigantas a l’entorn del tèma “Frontièra, espaci de cooperacion”. Se començaràn pintar lo 19, e lo 21 una delegacion transfrontalièra farà l’empencha a las pèças en començant aital la casuda en efècte dominò, çò que simbolizarà la desaparicion las barrièras frontalièras. Pendent tot lo jorn las pèças seràn expausadas al centre de la vila.
Vos encoratjam a venir al centre de Pamplona los 19, 20 e 21 de setembre e a participar de la fèsta de la cooperacion europèa.