Per celebrar la segonda edicion del jorn de la cooperacion europèa, lo POCTEFA collabora amb lo projècte Circuldouce per prepausar als abitants frontalièrs una sortida en bicicleta lo long de Bidassoa. Rendètz-vos dimenge 29 de setembre a Behobia per prene la sortida d’aquela passejada que vos permetrà de descobrir en familha una partida de la rota Èuro-bicicleta numèro 1.

Lo Jorn de la cooperacion europèa es un eveniment coordonat per INTERACT, amb lo sosten de la Comission europèa e amassa mai de 70 programas de collaboracion territoriala de mai de 35 païses de l’Union europèa e dels païses vesins. Sa tòca es d’organizar una campanha comuna de comunicacion amb la fin de sensibilizar los ciutadans suls importants resultats obtenguts de la collaboracion transfrontalièra gràcias al finançament de mai de 20 000 projèctes de cooperacion.

Per celebrar lo Jorn de la cooperacion europèa 2013, la Comunitat de Trabalh dels Pirenèus (CTP), autoritat de gestion del Programa Operacional de Collaboracion Territoriala entre Espanha, França e Andòrra (POCTEFA), collabora amb lo projècte Circuldouce, cofinançat a nautor de 65% per de fonzes FEDER dins l’encastre del POCTEFA, e prepausa una passejada familiala en bicicleta de Behobia (frontièra francoespanhòla) a Endarlaza (Navarra). Aquel percors de 7 quilomètres lo long de Bidassoa permetrà als participants de descobrir concrètament un projècte de collaboracion sostengut financièrament per l’Union europèa.

A Endarlaza, per se pausar e reganhar de fòrças abans prene lo camin del retorn, d’animacions seràn prepausadas als pichons e tanben als mai grands amb de degustacions de produches regionals provenents dos costats de la frontièra, de jòcs pels enfants a l’entorn dels tèmas de la frontièra, de collaboracion e de lengas, un stand d’informacion sus la cooperacion europèa, de musica…

Pels mai valents, se son organizats:
 

  • Una corsa esportiva (mas pas competitiva) de 42 km entre Behobia e Bertiz.  Per vos enregistrar en linha, cachatz aicí.
  • Una partís ciclista familial de 15 km entre Sunbilla e lo Parc Natural de Bertiz. Per vos enregistrar en linha, cachatz aicí.
Per eles, l’inscripcion es obligatòria.

Pòt consultar lo comunicat de premsa sobratz l’eveniment POCTEFA pel Jorn de la Cooperacion Europèa en espanhòl, francés e basc.
____________________

Circuldouce : creacion d’una rota transfrontalièra de circulacion doça
Las evolucions climaticas, la crisi energetica, l’asfixia dels centres de las vilas sustot en periòde estival, l’aument de cèrts problèmas de santat…son tantas de rasons qu’an menat aquel territòri a decidir de condicionar un itinerari de circulacion doça sul litoral.

Los espers dels abitants e dels toristas son similars d’un costat e de l’autre de la frontièra, aqueste projècte podiá pas èsser que transfrontalièr.

Concrètement, lo projècte Circuldouce consistís a crear e desvolopar un ais de circulacion doça enter Baiona e Pampalona, situat sus la rota Èuro-bicicleta numèro 1, que jonh lo Cap Nòrd amb Sagres (Sud de Portugal). S’agís de promòure de nòvas practicas per un torisme durable a travèrs de la disposicion d’un primièr tròç de 60 km entre Getaria (Pirenèus Atlantics) e Bertiz (Navarra). Al delà, per recebre e informar los passejaires e los ciclistas, un centre d’acuhida de la rota Èuro-bicicleta num. 1 es estada creada dins l’anciana bastissa de las Doanas de la vila frontalièra d’Irun. Cal soslinhar qu’al delà de l’interès environamental de l’operacion, aquel projècte a un impacte economic per tota la zòna en permetent lo desvolopament d’un nòu torisme que beneficia dirèctament totes los professionals del sector. Aquel nòu produch toristic atrai una nòva clientèla amb lo desir de descobrir las riquesas d’aquela zòna d’una manièra desparièra, mai respectabla de l’environament. Se fan ja sentir las retombadas…

Per ne saber mai sul projècte Circuldouce, cachatz aicí o ben consultatz lo sit: www.euroziklo.com