IV Jornades de Museologia en las Terres de Lleida. De musèus en malhum: un nòu modèl de gestion territoriala?

Davant lo nòu scenari que se definís en aquestas darrièras annadas dins totes los sectors economics, sián publics o privats, sembla qu’es evident que fòrça dels modèls de gestion utilizats son meses en dobte. Aqueste procès afècta tanben, e plan dirèctament, lo mond dels musèus e lo de la gestion del patrimòni cultural.

Lo trabalh en malhum, en partejant de recorses e d’inversions dins un meteis contorn o territòri, sembla que deven una de las opcions mai claras per definir tornar-mai e cercar de nòvas alternativas mai durablas, quant a la mantenença d’infrastructuras e a l’activacion de nòvas politicas culturalas.

Pendent dos jorns desparièrs d’especialistas en la matèria nos explicaràn las divèrsas experiéncias que foncionan ja, amb la tòca de las discutir, las avalorar e las analisar collectivament, tot amb la tòca finala de mielhorar la gestion e la sostenibilitat dels musèus e dels equipaments culturals del nòstre país. La CTP participa a aquela amassada amb una ponéncia de Valentí Sallas (Airal de Relacions Internacionals. Departament de Cultura. Generalitat de Catalonha) e Cristina Arcaya, Secretària Generala de la CTP : “Los musèus en malhum dins los programas de cooperacion europèus”

Un an de mai, aquelas jornadas de museologia, dobèrtas al mond entièr, visan devenir un ponch d’amassada dels professionals del mond del patrimòni cultural del país de Lhèida. Melhorar la fomacion tecnica, balhar de visibilitat e dotar de nòus esturments de gestion als musèus e als equipaments patrimonials del territòri son los tres principals objectius, que totas las annadas, se perseguisson amb l’organizacion d’aquelas jornadas annalas.

Trobaretz lo programa çai-jonch (pdf).