En 1990, l’Union Europèa activèt Interreg, un esplech financier adreçat a desvolopar la cooperacion territoriala entre las frontièras europèas. Per commemorar aquela data, se celebrèt en Luxembórg entre lo 15 e 16 de setembre la conferéncia “25 annadas d’Interreg”
Jean-Louis Valls, director de la Comunautat de Trabalh dels Pirenèus, Autoritat de Gestion del Programa Operatiu de Cooperacion Territoriala Espanha-França-Andòrra (POCTEFA) 2014-2020 participèt dins d’aquel eveniment. Pendent las jornadas, l’Espital Transfrontalièr de la Cerdanha, projècte cosostengut pel POCTEFA 2007-2013, foguèt expausat coma un dels exemples per mostrar coma la cooperacion transfrontalièra respon als desfisses comuns que pòdon pas ser tractats al nivèl nacional.

Pendent tota l’annada, los programas de cooperacion territoriala europèa realizan d’eveniments per commemorar aquel anniversari. Atal, lo Seminari de lançament del POCTEFA 2014-200 que se debanèt en Saragossa lo darrièr 29 de setembre se soslinhèron las 25 annadas d’Interreg dins la taula redonda “25 annadas de cooperacion transfrontalièra”. Marc Lobet, representant de la DG Regio; José Mª Piñero Campos, Director General de Fons Comunitaris; e François Maitia, Vicepresident del Conselh Regional d’Aquitània expausèron las capitadas generalas obtengudas pendent aquel temps.

Pel periòde 2014-2020 Interreg va a cofinançar 107 programas e milièrs de projèctes que permetràn resoldre a escala internacionala problemas comuns de divèrses estats europèus.

Podètz véser aquí lo video de “Le dessous des cartes” que resumís las 25 annadas d’Interreg amb quauques exemples de projèctes desvolopats.