Canfranc inaugurèt lo 7 de julh lo centre A Lurte dins l’anciana Casa de los Ingenieros de Canfranc Estación (Huesca), punt de rescontra del saber e de la coneissença en matèria de nivologia e d’avalancas, e luòc que permet d’explicar e de far conéisser la relacion estrecha qu’existís entre la localitat de La Jacetania e la nèu e las avalancas.
Lo Centre Pirenenc de referéncia de la nèu e de las avalancas dubriguèt sas pòrtas aprèp mantuna annadas de trabalhs e un investiment de 700.000 euròs, qu’una bona partida foguèt finançada per la Comuna de La Jacetania. Sa mesa en servici correspond al desir de las institucions e de la societat del val de botar en valor los formidables obratges de proteccion contra los precipicis e las avalancas que foguèt necessari de bastir i a un sègle per protegir la gara internacionala de camin de fèrre dins aquela localitat.
