Lo projècte Irati avança amb l’inauguracion lo darrièr 23 de julhet de l’Ostal dels Gardas d’Irati (Navarra). A l’acte, i anèt Yolanda Barcina, Presidenta de Navarra, i coma tal, presidenta de torn de la CTP.

Lo projècte IRATI, bòsc de bosques, cèrca desvolopar lo torisme e la gestion de l’usatge public dins d’un espaci natural transfrontalièr, afavorissent l’integracion economica e sociala. S’agís d’un endrech natural especialament plan conservat e amb una bèla atraccion toristica. Auèi, avèm 225.000 visitaires dins los “Ostals d’Irati” en França i mai de 100.000 dins la partida espanhòla. Profechant aquelas chifras interessantas, lo projècte transfrontalièr cèrca la cooperacion entre las quatre valadas ont existís lo bòsc, per tal que la gestion siá mai aisida e la destinacion mai completa e mai atiranta per los visitaires. Lo projècte Irati a un budget total de 3.859.540 €, lo 65% del qual (2.508.701 €) ven dels fonses europèus FEDER, dins l’encastre del POCTEFA.
Las accions an coma tòca la creacion d’una marca comuna a las quatre valadas qu’identifique tota l’activitat toristica. Una marca unenca a besohn d’espleches comuns, coma la mapa simultanèa del bòsc que se presentèt lo darrièr 3 de mai. Dins d’aquela mapa, podèm véser totes los camins, un esplech basic per l’estructuracion del projècte e del territòri, que deu èsser la referéncia comuna pels visitaires que van a Irati dempuèi los dos costats de la frontièra. Tanben se son fachas de visitas a l’avançament de las òbras de l’acuèlh e d’activitats dins la partida francesa e dels autres equipaments. Aquesta visita aguèt la preséncia de la premsa, mai que mai de la cadena publica de television France 3 Aquitaine, que faguèt un reportatge que se pòt véser aquí.

D’un autre costat, lo darrièr 23 de julhet s’inaugurèt l’Ostal dels Gardas. A la debuta, aviá la foncion que mòstra son nom, mas a demorat tancat pendent 40 annadas. A l’ora d’ara, s’es dobèrt aquí lo punt d’atencion toristica subre lo Bosc d’Irati, mas tanben i aurá una botiga de locacion de material de montanha e un bar – restaurant, ont los visitaires podran tanben crompar d’objèctes de promocion e produches regionals. La rèsta de l’ostal s’es reservada a una zòna d’exposicion, una sala d’amassadas e de reunions. Pendent l’inauguracion, la Presidenta de Navarra i de la CTP, Yolanda Barcina, destaquèt qu’aquel projècte es un exemple clar de cooperacion transfrontalièra e se regaudissiá perqué siá estat un dels projèctes mai bèls qu’aguèt una ajuda economica clara amb los fonses europèus a travèrs del POCTEFA.