L’exposicion temporala » LA ROTA DE LAS ORIGINAS » serà dobèrta a tot lo public dempuèi lo 22 d’octobre e fins lo 5 de novembre dins la Ciutat de l’Espaci de Tolosa (França) e aprèp dins lo Centre d’Observacion de l’Univèrs d’Àger (Lhèida, Espanha) mercés a la collaboracion de Miègjorn-Pirenèus, Catalonha e los 6 sòcis del projècte lo CAMIN DE LAS ORIGINAS.
Dins l’encastre del projècte LA ROTA DE LAS ORIGINAS se prepausan als visitants de la Vila de l’Espaci tres luòcs novels. Los primièrs son consacrats a la debuta de la vida sus la Tèrra e dins lo sistèma solar e s’inaugurèron l’abril de 2010 " LO CENTRE DE LA TÈRRA " e " PÒRTA MOND ". En junh de 2011, se consacrèt una estança d’exposicion a l’Astronomia: L’OBSERVATÒRI. L’exposicion " LO CAMIN DE LAS ORIGINAS " convida als visitaires a un viatge sul territòri pirenenc, a la recèrca del nòstre passat: del Big-Bang a l’aparicion de l’Umanitat.
Lo projècte Originas a un bugetal total de 2 606 897 èuros (pel periòde 2010-2012) 65% dels quals procedís de fons FEDER, dins l’encastre del Programa de Cooperacion Territoriala entre Espanha, França e Andòrra (POCTEFA). Programa gestionat per la Comunitat de Trabalh dels Pirenèus dempuèi 2007, coma autoritat de gestion, amb un impòrt total de 168M èuros per tota la zòna transfrontalièra França-Espanha-Andòrra.
