Lo diumenge 20 de setembre, Jaca aculhirà la celebracion del Jorn de la Cooperacion Europèa
Jaca aculhirà lo diumenge 20 de setembre que ven, l’eveniment del Jorn de la Cooperacion Europèa qu’organiza cada an la Comunautat de Trabalh dels Pirenèus (CTP) en son ròtle coma Autoritat de Gestion del Programa Operatiu de Cooperacion Territoriala Espanha-França-Andòrra (POCTEFA).
La gastronomia de qualitat e l’alimentacion sana seran los fials conductors de l’espectacle gastronomic e musical que s’organizarà a Jaca lo matin del diumenge. Los protagonistas de l’eveniment seran los gosts del Pirenèu coma ligam entre los abitants dels dos costats del massís. Los mèstres de ceremonias, cosinièrs franceses e espanhòls.
La Comunautat de Trabalh dels Pirenèus profecharà lo Jorn de la Cooperacion Europèa per donar a conéisser als abitants e toristas de Jaca los resultats de la cooperacion obtenguts pendent lo periòde 2007-2013.
L’entrepresa publica del Govèrn d’Aragon Sarga e la fundacion FUNDAGRO, sòcis del projècte GUSAPIR, s’ocuparan de l’organizacion e lo desvolopament de l’eveniment. L’objectiu del projècte GUSAPIR es promòure e desvolopar la cultura del Gost e dels Sabors prèp del grand public de la zòna transfrontalièra, a travèrs dels produches tradicionals de qualitat e de la gastronomia regionala.
