Del 12 al 29 de setembre de 2013 l’eurovila basca Baiona-Sant Sebastian celèbra la dança amb Dantza Hirian, un festenal transfrontalièr de dança contemporanèa dins de païsatges urbans.

Lo festenal Dantza Hirian tòrna un an de mai per festejar la dança contemporanèa dins l’eurovila basca Baiona-Sant Sebastian. Pendent lo mes de setembre se poirà gaudir d’una seguida d’espectacles programats en divèrsas localitats d’aquel espaci transfrontalièr urban.

Lo projècte IREKI, un nòu vam per Dantza Hirian
IREKI es un projècte transfrontalièr finançat amb de fonzes FEDER a travèrs del POCTEFA que sa tòca es impulsar e consolidar lo festenal Dantza Hirian coma una vertadièra plataforma de sensibilizacion, de sosten a la creacion e la difusion de la dança contemporanèa dins l’eurovila basca Baiona-Sant Sebastian. Lo projècte IREKI permet melhorar e agrandir las activitats desvolopadas dins lo festenal Dantza Hirian.

Aterpean, un programa d’artistas en residéncia
Per sosténer las creacions dels nòus artistas, lo festenal Dantza Hirian a començat lo programa Aterpean. S’agís d’un programa d’artistas en residéncia que vòl fomentar l’escambi d’artistas e de companhiás entre Aquitània e Bascoat, en los ofrint una dotacion economica, un espaci per la creacion e la possibilitat de representar per primièr còp las nòvas creacions dins lo festenal Dantza Hirian. Mai d’informacions sus Aterpean aicí.

Per mai d’informacions sus Dantza Hirian, cachatz aicí.

Dantza Hirian 2013: podètz consultar lo programa del festenal aicí e un dorsièr de premsa amb mai d’informacions sus las companhiás e las coreografias que participaràn a l’edicion d’ongan aicí.