Dins l’encastre dels acòrds de cooperacion inter-universitaris signats entre l’Universitat de Pau e de l’Ador (UPPA) e las Universitats de Saragossa e de Navarra, lo burèu d’ajuda a l’insercion professionala de l’UPPA organiza la serada del 19 d’abril de 2012 (14h-18h) un fòrum amb la tematica seguenta: «Estagi e emplec dins lo malhum transfrontalièr».
La tòca d’aquesta manifestacion es de facilitar lo contacte professional entre los estudiants de l’UPPA e los de las Universitats espanhòlas amb los collaboradors locals e transfrontalièrs (entrepresas, institucions, collectivitats).
Lo fòrum se debanarà en doas estapas, dijòus 19 d’abril de 2012 de 14h a 18h:
– 14h-15h : Conferéncia de dubertura en avent coma tèma central «los estagis e l’emplec dins la zòna transfrontalièra » (1h). ANFITEATRE A de la Facultat de Sciéncias, Campus de l’Universitat de Pau.
– 15h-18h: Evolucion liura dels estudiants entre los desparièrs stands de presentacion de las entrepresas. Hall de la Facultat de Sciéncias, Campus de l’Universitat de Pau
