Lo 30 d’abril, la localitat navarresa de Burgui passarà de 300 abitants a mai de 10.000 personas, que percorriràn sas carrièras amb una sola motivacion: far la fèsta, e viure lo vintenat aniversari de la Fiesta de la Almadía. Per l’intermediari de la celebracion annadièra del Día de la Almadía, lo mestièr riscat e sacrificat del radelièr es botat en scena.
Cal pas mancar la devalada impressionanta de dos o tres radèls sus un percors d’environ 5 km, en mai de tota una seria d’actes culturals, musicals o folclorics que completan la jornada festiva (concèrts, pèças de teatre, dansas regionalas, mercat medieval, talhièrs pels mainatges, repais populari, mòstras, exibicions, etc.).
Aquel eveniment, que fa partida del projècte “2011, Annada dels Pirenèus” conjoncha amb la CTP, va èsser presentat a la segonda amassada del POCTEFA per obténer un cofinançament FEDER de 65%. Gràcias en aquel finançament, diferents actes excepcionals seràn realisats a Burgui, tant lo Día de la Almadía meteis, qu’a de datas prealablas a la dicha fèsta (divèrs actes al moment de la Setmana Santa en abans-primièira del Día de la Almadía), aital coma l’oportunitat de tornar dubrir lo Museo de la Almadía, tot aquò amb una programacion especiala pirenenca que nos convida a (tornar) descobrir e festar los Pirenèus.
Per mai d’informacions:
www.pyrineo.eu
http://www.almadiasdenavarra.com/
