Per celebrar l’Annada dels Pirenèus, la Comunautat de Trabalh dels Pirenèus organisa Pyrineo, la Granda Randonada per descobrir e celebrar lo massís, dins un encastre joiós e festiu. Vos esperam del 25 de junh al 9 de julh!

Remontant de l’Atlantica e de la Mediterranèa, passant per l’Espanha al sud e per la França al nòrd, visitant los mai polits sits pirenencs, quatre percorses e une seria de qualques seissanta passejadas ineditas van convergir al còr dels Pirenèus, dins la Valada d’Azun, per celebrar la granda fèsta dels Pirenèus lo 9 de julh de 2011. Aquel eveniment excepcional barrarà los quinze jorns de descoberta del massís pirenenc al travèrs de sos sits emblematics gràcias a de passejadas aisidas d’una durada de 3 a 6 oras, que comportaràn un desnivelat compres entre 400 e 800 mètres. I pòdon participar los individuals aital coma los grops d’amics, associacions, clubs e autres adèptes de la montanha. Per aquò sufirà de crompar de forfaches de 3, 7 o 14 jorns, o de participar gratis a quelquas unas de las estapas.
 
Al total, uèit luòcs d’amassada foguèron previstes per celebrar de seradas festivas e de rescontras a l’entorn de la cultura pirenenca. Menada per de guidas de montanha diplomats, Pyrineo la Granda Randonada es lo grand eveniment de 2011 Annada dels Pirenèus.
 
Per mai d’informacions:
www.pyrineo.eu La Granda Randonada