La nova estrategia euroregional definís quaranta accions concretas a desvolopar al costat dels diferents actors implicats en la cooperacion territoriala pendent aquel periòde.
L’Euroregion Aquitània-Euskadi a ja definit sos objectius fàcia al periòde que ven de programacion. Lo Plan Estrategic de l’AECT per 2014-2020 s’estructura a l’entorn de quatre axes estrategics: lo desvolopament d’una ciutadanetat euroregionala, la promocion de l’economia del coneissement, l’innovacion e la competitivitat d’entrepresas , la construccion d’un territòri sostenable e l’extension del model de Gobernança Dobèrta. A mai, la nova estrategia euroregional definís quaranta accions concretas a desvolopar al costat dels diferents actors implicats en la cooperacion territoriala pendent aquel periòde.
Lo novèl Plan Estrategic, alinhat amb las prioritats europèas e de las doas regions, es estat elaborat dins d’un encastre de gobernança dobèrta e de concertacion. Per aquò, pendent lo processus d’elaboracion de l’estrategia se realizèt una enquèsta als actors de la cooperacion, entretens als actors clau, s’organizèron còlas de trabalh tematicas e se lancèron doas consultas en linha dobèrtas a la ciutadania.
Lo document definitu es estructurat en doas partidas. La primièra consistís en un Diagnostic Euroregional que comprén un diagnostic socioeconomic de l’Euroregion Aquitània-Euskadi, un bilanç de la cooperacion entre las regions pendent lo periòde 2007-2013, una analisi de l’encastre estrategic de la cooperacion territoriala en Euròpa e una analisi DAFO.
La segonda partida del document, titolada Estrategia Euroregionala, s’estructura a l’entorn dels quatre axes estrategics ja citats e las accions a desvolopar. Podètz consultar lo Plan Estrategic de l’AECT Euroregion Aquitània-Euskadi complet aquí e la presentacion resumida aquí.
