Los 27 e 28 de setembre de 2011, Euromontana organisa una conferéncia sul tèma “Torisme actiu durable – las comunautats de montanha menan l’Euròpa cap a de solucions innovantas”. La conferéncia examinarà los desvolopaments recents dins lo sector del torisme actiu durable dins las montanhas al travèrs de praticas bonas e al travèrs del trabalh amb de participants per fin d’explorar los aspectes claus d’una politica toristica e de praticas d’aquel sector.

L’objectiu es d’identificar las oportunitats per melhorar a l’encòp lo potencial dels instruments politics de l’UE e lo trabalh dels rets de torisme en montanha.Las tematicas desvolopadas (elements claus dins lo desvolopament de la politica del torisme durable de la Comission Europenca) seràn las seguentas:
 
1. La diversificacion dels produches aital coma d’activitats de marketing e de promocion
2. Lo desvolopament e lo transfèrt de las competéncias dins las industrias toristicas montanhardas
3. La gestion de las ressorsas environamentalas
4. L’utilisacion de las marcas e de las jos-marcas – un apròchi rigorós als estandards de qualitat
5. Trabalhar en rets o partenariats entre divèrses sectors per fin de melhorar l’ofèrta toristica
6. Melhorar l’accès als produches toristics en montanha a totas las categorias de la populacion
7. Desvolopar un aprovesiment durable pels actors toristics de montanha
 
La conferéncia serà tanben un primièr pas cap a l’elaboracion d’un document de posicion d’Euromontana sul torisme durable en montanha.
 

Mai d’informacion sus http://www.euromontana.org/agenda/torisme-actif-durable-–-les-communautes-de-montanha-menent-leurope-vers-des-solutions-innovantes.html