La Comunitat de Trabalh dels Pirenèus es decidida a donar continuitat a l’Observatòri Pirenenc del Cambiament Climatic.
L’Observatòri Pirenenc del Cambiament Climatic (OPCC) compta dempuèi lo mes de decembre amb una nòva coordinadora, l’especialista en Environament, Elisa Vargas Amelin. Aquela incorporacion respond a l’enveja exprimida per la Comunitat de Trabalh dels Pirenèus de donar continuitat a las accions e als projèctes de l’OPCC mai enlà del POCTEFA 2007-2013.
En lo darrièr conselh plenari de la CTP, los representants de las uèch regions que conforman lo Consòrci s’engatjèron a destinar d’esfòrces e ressórgas a aquel Observatòri que comencèt en 2010 dins l’encastre de la pròpria CTP e qu’en quatre ans s’es transformat en un referent de la cooperacion transfrontalièra entre Espanha, França e Andòrra.
Elisa Vargas Amelin obtenguèt son diplòma en l’Universitat de Minnesota (USA) en Gestion de l’Environament e Conservacion de Ressorças, e obtenguèt un Diplòma d’Estudis Avançats en Economia Politica Internacionala en l’UNED. Dempuèi 2003 a trabalhat principalament en lo sector del conselh environamental en Espanha, mas tanben per d’organizacions internacionalas e coma expèrta per la Comission Europèa. A trabalhat en sectors coma planificacion idrologica, projèctes internacionals (principalament en Euròpa, America Latina, e region mediterranèa) e en diferentas politicas e d’estrategias europèas sobre environament, coma manca d’aiga e secadas, cambiament climatic, aigatges e agricultura.
La nòva responsabla de l’OPCC emprén aquel desfís professional amb illusion e convencuda de l’importància del trabalh que mena a tèrme l’Observatòri: “Soi apassionada amb aquel nòu desfís que supausa coordinar l’Observatòri Pirenenc del Cambiament Climatic e participar activament en las relacions transfrontalièras entre Espanha, França e Andòrra”.
