Los organisators del Jorn de la Cooperacion Europèa prepausan un concors de pòsters adreiçat als menors de 16 ans amb lo subjècte de la cooperacion entre los pòbles en Euròpa.

INTERACT, coordinatora de la segonda edicion del Jorn de la Cooperacion Europèa, prepausa un concors de pòsters que vòl implicar los joves europencs en aquel important eveniment. Los trabalhs presentats auran d’ennautar l’importància de la cooperacion entre los pòbles d’Euròpa.

Lo 24 d’agost de 2013 que ven serà lo darrièr jorn per mandar los trabalhs. Los melhors pòsters presentats al concors faran partida d’una exposicion que se debanarà a Viena (Austria) lo mes de setembre, lo moment de la celebracion del Jorn de la Cooperacion Europèa, e los trabalhs ganhaires auran un prèmi.

Per mai d’informacion subre lo concors, cal far clic aquí.

La campanha es partida
D’un autre costat, INTERACT a prepausat la campanha 2013 del Jorn de la Cooperacion Europenca amb l’eslogan “I’m part of it”.

Aquesta campanha destaca las vertadièras istòrias que se tròban darrièra dels projèctes de cooperacion transfrontralièra contadas pes actors mai importants.

An publicat tanben un film per far conèisser al grand public los succèsses importants mercés a la cooperacion transfrontalièra dins l’UE.

Lo Jorn de la Cooperacion Europèa reculh 70 programas a-per-aquí de Cooperacion Territoriala dins l’UE. Se debanará la setmana del 21 de setembre que ven amb un grand nombre d’eveniments programats a Brussèlas e al nivèl local de per tot en Euròpa. Aquel eveniment comptarà tanben amb la participacion de qualques paises vesins de l’UE.

Per mai d’informacion subre lo Jorn de la Cooperacion Europèu, cal far clic aquí.