De figuras del Pireneisme a descobrir dins dos musèus : al Musèu Larrey amb “Loís Robach (1871-1959), un pireneista fotograf» e al Musèu del Pic del Miègjorn, Ostal dels Ferrère (Aste): “Ludovic Gaurier (1875-1931), un pireneista al servici de la sciéncia”
La mòstra es constituida d’un percors pedagogic ponctuat de panèls, de fotografias, e d’objèctes qu’apartenguèron a Loís Robach (esquís, piolet, crampons etc… Un DVD virant en bocla evocarà lo percors de pireneista de Loís Robach.
La mòstra “Grandas Figuras del Pireneisme” fa partida del projècte 2011 Annada dels Pirenèus. De mai, en febrièr de 2010, lo Programa Operacional de Cooperacion Territoriala Espagna-França-Andòrra 2007-2013 (POCTEFA) acordèt lo projècte de ret pirenenc transfrontalièr dels centres del patrimòni (PATRIM), presentat per uèit partenaris, que lo Musèu Larrey. Son de centres situats en Miègjorn-Pirenèus, Aragon e Catalonha. Dins l’encastre d’aquel programa europenc, los uèit sitis obtenon un cofinançament FEDER de 65% e cooperan ara per organisar ensem de mòstras, d’animacions culturalas e festivas, de publicacions, d’escambis…
Lo projècte vira a l’entorn dels temas seguents :
* La vida en montanha en zòna frontalièra
Castèl de Seix – centre d’interpretacion del patrimòni de las valadas del Coserans / Ecomuseu de les Valls d’Aneu
* Dos grands metges e umanistas
Musèu Larrey, Beaudéan / Centro Santiago Ramon y Cajal, Ayerbe
* La ressorsa en aiga
Ostal de las Sorsas, Mauléon-Barousse/Centro de Interpretación del agua, Albelda
* Lo pastoralisme
Ostal Pirenenc del Pastoralisme d’Azet/Centro de la vida en la Muntana, Nueno
