Los representants de las uèch regions sòcis signèron aquel dimecres la Declaracion Comuna de Presidents dins l’encastre del XXXII Conselh Plenari de la CTP.
Aquel dimecres s’acampèron en Andòrra la Vièlha los representants dels uèch territòris que conforman lo Consòrci de la Comunautat de Trabalh dels Pirinèus. Lo rescontre aguèt luòc dins l’encastre del XXXII Conselh Plenari de la CTP que se debana aquela setmana en la capital andorrana.
Los liders politics dels uèch territòris reiterèron son engatjament amb los objèctius de la Comunautat de Trabalh dels Pirineus, un projècte comun entreprés fa ja mai de 32 annadas qu’auèi exercís, al nivèl europenc, coma actor de primièr ordre en matèria de cooperacion transfrontalièra.
L’acamp acabèt amb la signatura de la Declaracion Comuna de Presidents. A travèrs d’aquel document, las autoritats de las regions sòcis de la CTP s’engatjan a trabalhar d’un biais eficient, solidari i responsable per consolidar la cooperacion entres sos territòris e ganhar visibilitat, coma entitat, dins l’encastre de l’Union Europèa.
La Declaracion Comuna de Presidents d’aquela annada 2014 revela tanben lo pari dels territòris perque la CTP siá Autoritat de Gestion del POCTEFA pendent lo periòde 2014-2020. Aprèp lo mandadís a Brussèla de la proposicion pel programa futur, la CTP se tròba ara a l’espèra del rapòrt de la Comission Europèa.
Amb la signatura de la Declaracion Comuna, las autoritats dels uèch territòris assumisson son engatjament per garantir l’implementacion de projèctes vertadièrament transfrontalièrs e dirigits a la consecucion dels objèctius incorporats a l’Estrategia Euròpa 2020. Lo document aprovat per las uèch regions paria tanben per promòure, dempuèi la CTP, la participacion de sos sòcis e dels actors pirenencs remarcables en d’autres programas de l’Union Europèa.
Podètz legir la Declaracion Comuna de Presidents aicí.
vf_occ_declaracin_presidentes_05112014.pdf
