Eveniment final de « circ que o! Pirineos de circo », « Circ en Transumància » se debanarà als meses de setembre e d’octobre. S’agís d’un eveniment itinerant dels dos costats dels Pirenèus, compausat de 5 estapas, que botarà en valor lo trabalh realisat al cors d’aquelas 3 darrièiras annadas en vista de desvolopar lo sector dels arts del circ dins l’Euroregion Pirenèus-Mediterranèa.

Aquel eveniment que comença lo 3 de setembre a Saragòssa, se perseguís del 22 al 25 d’octobre a Barcelona, del 28 de setembre al 2 d’octobre a Jaca e s’acaba del 19 al 22 d’octobre a Tolosa e Balmà.
 
Circ que o ! es un projècte europenc de cooperacion transfrontalièira dins lo sector dels arts del circ. Son d’accions de formacion, de creacion e de difusion en Aragon, Catalonha e Miègjorn-Pirenèus qu’an luòc de 2009 a 2011. Lo projècte dispausa d’un budgèt global de 1 790 000 €, que 65% son finançats pels fonses europencs del FEDER dins l’encastre del Programa de cooperacion territoriala entre l’Espanha, la França e l’Andòrra (POCTEFA).
Inscrich dins l’Annada dels Pirenèus, Circ en Transumància presenta d’espectacles que la realisacion beneficièt de dos dispositius de sosten de circ que o! : Camins Emergissents, e de trabalhs realisats dins lo domèni de la formacion.

Totas les informacions sus circ que o! e Circ en Transumància sus www.circqueo.eu