Los 23 e 24 de genièr 2013, l’Observatòri Pirenenc del Cambiament Climatic (OPCC) s’amassèt a Bordèu (Aquitània) per far un ponch d’avançament sus de trabalhs e trabalhar sus l’avenir del projècte.
Pendent la primièra jornada se debanèt lo seminari « Escambiar : las estrategias climat dels nòstres territòris », qu’aviá la tòca d’escambiar sus las prioritats de las regions de la CTP en matèria del cambiament climatic. Aquel seminari a permeses la presa de coneissença de las diferentas politicas climaticas regionalas e la reflexion e los escambis sus las prioritats comunas dins lo territòri.
Una segonda jornada foguèt dedicada al comitat de pilotage del projècte OPCC-POCTEFA. Los referents regionals en matèria del climat e los sòcis de l’Observatòri se son amassats per far l’estat dels luòcs de las avançadas de las accions e tanben d’escambiar sus las estapas que venon per aquel nòu an 2013.
L’an 2013, gràcia al trabalh realizat per l’ensems dels sòcis del projècte OPCC-POCTEFA, la coneissença de las evolucions del climat per tot lo massiu serà aprofondida, e d’aisinas autantlèu qu’una metodologia partejada per una seguida d’indicators del cambiament climatic que seràn meses en marcha.
Atanben, 2013 es per l’OPCC un an carnièra al cors que l’ensems de las regions de la CTP deurà, dins son institucion e dins lo sen de la CTP, estudiar e planificar lo futur trabalh en comun a l’entorn de las questions del climat.

A seguir…

Mai d’informacion sus l’OPCC : www.opcc-ctp.org