Après 77 jorns de tampadura per permetre la realisacion dels trabalhs 24h/24, lo tunel Bielsà-Aranhoet es demorat dubert pendent l’estiu : del 17 de junh al 18 d’agost tota la jornada e dempuèi lo 17 d’agost, amb de tampaduras nocturnas per permetre la realisacion dels trabalhs preparatòris de la segonda tampadura del tunel qu’es prevista del 15 de septembre al 30 de novembre de 2010.



Aital, pendent julhet, son mas de 1600 veïculs, cada jorn, que an manlevat aquela via d’accès cap al país vesin.

 

Lo contexte dels trabalhs

 

Lo tunel trasfrontalièr de Bielsà-Aranhoet religa la comarca de Sobrarbe (Aragon) e lo despartament de las Nautas-Pirenèus (Miègjorn-Pirenèus). Lo tunel deu suporter un important fonccionament a caractèr sasonièr degut a las tampaduras sistematicas en sason ivernala, legadas a las infiltracions d’aiga e a d’autras insufiséncias per rapòrt amb la securitat del tunel que, dusca a present, empechavan un fonccionament normal.

Lo projècte de reabilitacion del tunel d’un montant de 21.659.824 euròs es finaçat a 10.747.732 euròs per los fonses europencs FEDER dins l’encastre del programa operacional Espanha-França-Andòrra (POCTEFA). A per objectiu d’assegurar la gestion conjunta de la securitat del tunel trasfrontalièr e de gerir de biais partejat un equipament trasfrontalièr en demesent l’efèit frontièra.

 

Per ne saber mai, rendetz-vos sul siti del consorcio Bielsà-Aranhoet.