L’Associacion europenca de las autoritats politicas de las regions de montanha (AEM), en collaboracion amb l’Universitat internacionala Menéndez Pelayo (UIMP), organisa son primièr cors d’estiu (jol patronatge del governament espanhòl e del governament de Cantabria) qu’aurà luòc dins lo palais prestigiós de la Magdalena, a Santander, del 29 d’agost al 2 de setembre.

Lo seminari propausa de balhar de solucions, sus dos nivèls. D’una part, al nivèl europenc, lo cors serà consacrat a l’analisi de las grandas estrategias e d’espleches que pòdon èsser benefics pels territòris de montanha, en companhiá d’expèrts de la Comission europenca e de professionals. D’autra part, al nivèl regional, lo seminari se focalisarà sul sud-oest europenc. En tenent compte dels dos nivèls susmencionats, lo seminari ensajarà de presentar los modèls a succès que permetèron un desvolopament endogen e durable. Lo cors propausarà tanben de solucions a las problematicas especificas de las zònas de montanha.
 

Mai d’informacions sul sit net de l’UIMP