Euròpa
D’aquí lo 31 de julhet de 2010
La Comission europèa adoptèt lo 1ièr de març de 2010 un Libre verd titolat “la proteccion dels bòsques e l’informacion suls bòsques dins l’Union Europèa: preparar los bòsques al cambiament climatic”. Una consultacion sus aqueste Libre verd es dubèrta d’aquí lo 31 de julhet de 2010.
Aqueste Libre verd pausa una seria de questions per çò qu’es del desvolopament d’opcions futuras per l’informacion e la proteccion dels bòsques en Euròpa, dins lo contèxte del cambiament climatic. L’objectiu d’aquela consultacion es d’aver l’opinion del public sus aquela question. Las responsas obtengudas atal permetràn d’informar e de guidar la Comission europèa dins l’optica de prepausar accions complementàrias per poder melhor preparar los bòsques de l’UE al cambiament climatic. Aquò permetrà tanben de pensar una actualizacion de l’estrategia forestièra de l’Union Europèa per çò qu’es del climat.
La consultacion es disponibla a aquesta adreça:
http://ec.europa.eu/environment/consultations/forests_en.htm (unicament en anglés pel moment)
Tres questionaris son en linha: pels ciutadans, las organizacions e las autoritats publicas. Podètz tanben mandar contribucions liuras a l’adreça que seguís: ENV-U43-sector-forest@ec.europa.eu
Cal notar qu’aquel Libre verd serà l’objècte de discussions a l’ocasion d’una conferéncia sus la proteccion dels bòsques que se tendrà a Valsaín (Espanha), los 6 e 7 d’abril a l’iniciativa de la Presidéncia espanhòla.
