Europa
Consulcation – del 3 de mai al 20 de julhet de 2010
Lo Comitat de las Regions, en ligam amb la Comission europenca, la presidéncia del Conselh de l’Union europenca e lo Programa Interact, lança del 3 de mai al 20 de julhet de 2010, una consultacion al prèp dels actors europencs per fin d’avalorar las règlas europencas en matèria de cooperacion trasfrontalièra.
En efèit, dempuèi 2006, l’Union europenca a creat a destinacion de las autoritats localas e regionalas un novèl esplèit de cooperacion trasfrontalièra : lo Gropament europenc de cooperacion territoriala, o « GECT » (Reglament (CE) n° 1082/2006).
Lo bilanç de la mesa en òbra d’aquel esplèit e de la regulacion restacada es programada per 2011.
Los resultats de la consultacion permetràn de noirir lo debat al entorn de la revision de las règlas europencas en matèria de cooperacion trasfrontalièra e per far valer las esperienças e punts de vista locals sus la question.
Lo questionari de consultacion es destinat als Estats membres, als GECT jà constituits o a las estructuras avent vocacion a se trasformar en GECT, a las autoritats localas e regionalas o a d’autras partidas prenentas.
Es principalament orientat cap a la recerca e lo recensament de bonas praticas, las leiçons tiradas e los problèmas juridics que la revision deu abordar.
Los resultats seràn presentats en octobre a Brussèla pendent los « Open Days ». Seràn directament integrats al vejaire del Comitat de las Regions, preparat per Alberto Núñez Feijóo, President de la Comunautat Auton de Galiça.
Informacions praticas :
