La Conferéncia « L’Espaci Schengen es en Perilh ? » qu’aurà luòc dins l´Universitat de Girona lo 23 de setembre, se celebra dins l’encastre del projècte europenc EICT (Euroinstitut Català Transfrontalier), finançat pel Programa de Cooperacion Territoriala Espanha-França-Andòrra (POCTEFA).
Lo projècte crea un esplech de formacion transfrontalièr comun que permet d´associar las doas universitats de referéncia del territòri (Perpinhan e Girona) e permet d’acarar las escomesas nòvas de cooperacion dins la zòna. Dins aquel encastre i aurà mantunas conferéncias. La primièira, « L’Espaci Schengen es en Perilh ? », tractarà de l’evolucion dels acòrdis de Schengen e permetrà d´analisar quals son los efièches e consequéncias pels ciutadans de l’UE e fòra UE concernissent los permés de residéncia e los contractes de trabalh.
Las conferéncias seguentas auràn luòc dins los meses que venon: lo 18 d’octobre « Organisacions politicò administrativas de l’ECT e Andòrra, lo 18 de novembre « Amenatjament del territòri dins un contèxt transfrontalièr » e lo 13 de decembre « La gestion dels espacis naturals en contèxt transfrontalièr ».
Per mai d´informacion clicatz aquí.
