La Presidenta de la Comunitat de Trabalh dels Pirenèus, Yolanda Barcina, Presidenta de la region de Navarra, a mandat aqueste matin al president de la region de Midi-Pyrénées, Martin Malvy, en nom de totas las comunitats e regions qu’intègran lo fòrum de cooperacion transfrontalièr, l’expression de la siá condemnacion dels assassinats arribats ièr diluns en un centre educatiu de Tolosa (a on foguèron assassinats tres dròlles e lo paire de dos d’eles, professor del centre), aital coma la solidaritat de tota la Comunitat de Trabalh amb los ciutadans d’aquela region francesa e, mai que mai, amb la comunitat josiva de la vila capitala d’aquela region pirenenca.


Presidenta - embajador Israel.jpgEn aprofiechant una session de trabalh sus energias renovablas programadas per uèi dimars a Pamplona amb l’ambaissador israelian en Espanha, Alon Bar, Yolanda Barcina li a tanben transmés personalament aquel messatge de condemnacion e solidaritat en nom de tota la Comunitat de Trabalh dels Pirenèus.

Cap remembrar, en mai, que los trabalhadors del Conselh Regional de Midu-Pyrénées se son amassats uèi matin dins lo hall de l’Hôtel de Région per observar una menuta de silenci en refús dels assassinats e en solidaritat amb las familhas de las victimas d’aquesta barbariá.