Del 16 al 18 de novembre de 2011 se debanarà dins lo Palai de Congresses Baluarte de Pamplona lo Simpòsi Internacional «Nòvas frontièras dins lo diagnostic e tractament dels tumors ematologics», organizat pel Centre per l’Investigacion Medicala Aplicada (CIM), de Pamplona, l’Institut National de la Santé et la Recherche Medicale (INSERM), de Tolosa, e la Fondacion Ramón Areces, de Madrid.
L’eveniment sorgís de la collaboracion entre CIM e INSERM a travèrs del projècte CITTIL: "Cooperacion d’Investigacion Transpirenenca en la Terapia Innovadora de la leucemia", enquadrat dins lo Programa POCTEFA e finançat a travèrs de fons europèus FEDER, lo Govèrn de Navarra e lo INSERM.
CITTIL es un projècte de cooperacion transfrontalièra dins l’encastre del Programa de Cooperacion Territoriala entre Espanha, França e Andòrra (POCTEFA). Sa tòca es de refortilhar l’integracion transfrontalièra en valorizar las complementarietats dins lo contorn de las activitats economicas, d’innovacion e del capital uman per determinar los nòus mecanismes de desvolopament de malautiás, dessenhar de nòus tractaments per obténer un possible desvolopament d’assages clinics en pacients e fomentar la cooperacion tecnologica entre los centres implicats. Lo projècte CITTIL a un bugetal total de 1.203.010 èuros (pel periòde 2009-2012) 65% dels quals procedís de fons FEDER.
Mai d’informacions:http://www.cittil.org/
