POCTEFA a mandat las candidaturas dels projèctes AGRIPIR, TRANSTIC, ENECO2, ENERGREEN e LAZOS-LIENS-LOTURAK.
POCTEFA a mandat a la Comission Europèa las candidaturas de cinc projèctes de cooperacion entre Espanha e França per sa participacion dins lo concórs RegioStars Awards 2015, una iniciativa que se debana annalament dempuèi l’annada 2008.

A travèrs del RegioStars Awards, la Comission Europèa vòl far conéisser los projèctes mai innovadors cosostenguts per fons europèus FEDER e FSE dins la politica de coesion de l’Union Europèa.

Totes los projèctes presentats per la Comunautat de Trabalh dels Pirinèus, Autoritat de Gestion del POCTEFA, foguèron programats dins l’encastre del POCTEFA 2007-2013 e supausan un exemple de bonas practicas en matèria de cooperacion tant per la consecucion de sos objectius inicials, coma pel bon funcionament de sas collaboracions, coma per son trabalh de difusion de resultats.

Los projèctes seleccionats per la categoria de Creissença Intelligenta son estats AGRIPIR e TRANSTIC.

ENECO2 e ENERGREEN son estat presentats dins la categoria de Creissença Durabla.

Enfin, la candidatura del projècte LAZOS-LIENS-LOTURAK es estat presentada dins la categoria de Creissença Integradora.

Una jurada independenta seleccionarà los projèctes finalistas de cada categoria, que se coneisseran a la fin de mai. Los responsables dels projèctes finalistas seran invitats a assistir a la ceremonia de remesa dels RegioStars Awards que se debanarà en octobre a Brussèla a l’escassença de la Setmana de las Regions e Ciutats Europèas (Open Days).

Per ne saber mai sobre los projèctes presentats per la CTP, fai clic en cada un d’eles e visita sas respectivas paginas web.