30 de novembre de 2009
BORDÈUS – Aquitania – Euskadi
Al moment del cim de Bordèus, lo 30 de novembre darrièr, Alan Rousset, President del Conselh regional d’Aquitania recebiá Patxi López Álvarez, lo cap del Governament regional de la Comunautat autonòme del País Basc espanhòl per signar una declaracion comuna visant a concretar l’engatjament de las doas entitats al torn de la construccion d’una Euroregion comuna.
Maites projèctes de cooperacion existisson jà entre aquelas doas institucions regionalas, notadament la « Platafòrma Aquitania- Euskadi » dins lo domeni del transpòrt e de la logistica, çaquelà la déclaracion comuna adoptada lo 30 de novembre a mai d’amplor que las collaboracions existentas puèi qu’es un còp de mandadís a la creacion d’un « Gropament europèu de Cooperacion Territoriala », basa institucionala d’una « euro-region ».
Concernant los principals axes de cooperacion renfortida, aquela euro-region poiriá aver competéncia dins los domenis de transpòrts, de las comunicacions, de la recerca e de l’innovacion, de ensenhament superior, de l’agricultura, e notadament de l’agricultura de montanha, e enfin de la politica linguistica, pel « desvolopament e la salvagarda de la lenga Basca».
Alan Rousset e Patxi López Álvarez se son donats un calendièr de sièis meses per la redaccion de estatuts e la definicion d’objectius precíses d’aquela euro-region. Aquesta se poiriá eventualament dubrir a d’autres membres, tala que la Navarra.
Informacions praticas
Siti Web
