A l’escasença del XXIX Conselh plenari de la CTP, autoritat de gestion del Programa Operacional de Collaboracion Territoriala Espanha-França-Andòrra (POCTEFA), lo Secretariat tecnic conjunt del POCTEFA a organizat un forum dels projèctes de collaboracion transfrontalièrs per far d’aquel eveniment un moment privilegiat de rencontre de l’ensemble dels actors socioeconomics de la zòna frontalièra e en particular de las beneficiàrias del POCTEFA.

Autentica veirina pel programa, lo forum, amb 32 estands de projèctes tenguts pels quites beneficiaris, a permés a l’ensemble dels visitaires de dintrar en contacte, de manièra plan concrèta, lo programa europèu POCTEFA. En mai, balha l’escasença als participaires e visitaires de trobar los tecnicians del STC, de descobrir d’autres projèctes, de trobar d’autres actors del territòri e d’aprene de totas aquelas amassadas. Veire los projèctes en imatges.

Ongan, lo forum a recebut la visita de Martin Malvy, Yolanda Barcina, Luisa Fernanda Rudi, respectivement Presidents de Miègjorn-Pirenèus, Navarra e Aragon, qu’an aital pogut mesurar la qualitat, la diversitat dels projèctes sostenguts dins l’encastre d’aquel programa europèu.