Daissam enrè una annada que la Comunautat de Trabalh dels Pirenèus (CTP) a viscut eveniments importants coma l’aprovacion del Programa Interreg I-A Espanha-França-Andòrra (POCTEFA 2014-2020), lo lançament de la primièra crida de projèctes o la celebracion del seminari de presentacion del nòu Programa.
 2016 se presenta no mens interessant e cargat d’eveniments importants dels quals cal destacar dos que son en relacion amb la primièra e segonda crida de projèctes del POCTEFA 2014-2020. A la prima, se programaran los projèctes que respóndan melhor als critèris del Programa e de sa primièra crida. Avèm fòrça enveja de conéisser quinas de las 122 candidaturas recebudas son las que faran realitat lo contengut de sas proposicions.

Abans que s’acabe l’annada se lançarà la segonda crida de projèctes que donarà una nòva oportunitat als promotors de presentar candidaturas d’iniciativas transfrontalièras per accedir a fons europèus. Los promotors de projèctes que ja pensan en projèctes futurs e vòlgan trobar sòcis amb sos meteisses interesses se pòscan registrar en lo motor de recèrca de sòcis del POCTEFA aquí.

Per çò qu’es de la CTP, acabèm l’annada 2015 amb una preséncia plan fòrta de l’Observatòri Pirenenc del Cambiament Climatic (OPCC) dins los eveniments de la COP21 a París e comencèm l’annada 2016 amb la reforma territoriala francesa (amb la fusion de la region sòci d’Aquitaine amb las regions Limousin e Poitou-Charentes, las doas regions sòcis Midi-Pyrénées e Languedoc-Roussillon que se fusionan entre elas). Coma seguida de l’anterior Presidéncia d’Andòrra e jos la nòva Presidéncia d’Aquitaine-Limousin-Poitou-Charentes, la CTP e sos sòcis mòstran sa disposicion a seguir trabalhant pel desvolopament sostengut dins los Pirinèus. La CTP seguís, coma es logic, amb sa mission d’Autoritat de Gestion del Programa, mas es pas son sol trabalh. De fach, s’impulsaran las orientacions d’una estrategia pròpia per d’autras activitats de la CTP.

Per çò qu’es de la comunicacion amb vosautres, aquesta annada començam a mandar un bulletin de novèlas o newsletter especific de POCTEFA. Los interessats se pòdon donar d’alta a la newsletter del programa per se mantener entresenhats subre cridas, projèctes e autres assumptes relacionats amb lo Programa. La newsletter POCTEFA coexistirà amb lo de la CTP que demesirà sa periodicitat del mandadís.

Vos desiram a totes una annada plena de projèctes de cooperacion.

Jean-Louis Valls
Director de la CTP