2015 promet èsser una annada cargada d’activitat dins l’encastre de la cooperacion transfrontalièra de la meteissa manièra qu’o foguèt 2014. La Presidéncia d’Andòrra, a la mitat de son mandat, fa un resumit de 2014, sa primièra annada davant de la CTP, e agacha l’annada recentament estrenada.
2014 es estat una annada intensa per la CTP en son ròtle d’Autoritat de Gestion del POCTEFA 2007-2013 e aspirant a l’èsser del POCTEFA 2014-2020. Cal remarcar la programacion, dins l’encastre de la tresena crida de projèctes, de prèp de sèt milions d’èuros que se materializan en 21 projèctes de cooperacion transfrontalièra. S’agís dels darrièrs projèctes que nàisson dins l’encastre del POCTEFA 2007-2013 qu’en total a programat 152 projèctes pel territòri frontalièr.

En setembre se mandèt a la Comission Europèa la primièra version del programa POCTEFA 2014-2020 que respondèt amb una seria de modificacions que son estadas integradas. Es lo fruch de meses de trabalh de totes los actors implicats en la redaccion d’aquel programa que se podrà començar en 2015, aprèp son aprovacion definitiva.

Dins d’un autre òrdre de causas, l’an passat la CTP cambièt de burèus, mas mantenent son sèti a la comuna d’Òsca, Jaca, ont es installat fa mai de 30 ans. Se son mantengudas tanben las ajudas a la recèrca que se lançan dins l’encastre de la CTP.

La CTP, dins sos esfòrces per comunicar l’importància de la cooperacion entre Andòrra e las regions transfrontalièras d’Espanha e França, a organizat una seria de concorses de fotografias dins los malhums socials que cercan valorizar lo territòri de la CTP e desvolopar la cooperacion transfrontalièra. En mai, a dobèrt un canal en Twitter, malhum social ont la comunicacion amb d’actors de la cooperacion transfrontalièra es dirècta e bidireccionala.

Per çò qu’es del 2015, la CTP s’es rescontrat amb una annada que, en mai d’organizar lo lançament del POCTEFA 2014-2020 un còp que siá aprovat, cal seguir gestionant l’encara en vigor POCTEFA 2007-2013. En son engatjament per la conservacion del patrimòni natural e la preocupacion pel cambiament climatic, la CTP seguís amb lo sostén de l’Observatòri Pirenenc del Cambiament Climatic (OPCC), projècte nascut en 2010. Dins d’aquel sens, l’OPCC compta amb una nòva responsabla recentament incorporada al projècte, Elisa Vargas, que donarà continuitat al mai emblematic dels projèctes de la CTP.

L’an recentament començat serà lo de la consolidacion de la CTP coma Autoritat de Gestion d’un programa europèu de cooperacion territoriala, un ròtle que compta amb uèch ans d’experiéncia, encara que la CTP nasquèt en 1983 amb l’objectiu de contribuir al desvolopament del Massís pirenenc tenent en compte sos rèptes e preservant sas riquesas.