TOLOSA – Garona-Nauta – Miègjorn-Pirenèus
Exposicion – del 20 de novembre de 2009 al 28 de febrièr de 2010
Lo centre dels Abattoirs a Tolosa acuelh d’aquí al 28 de febrièr de 2010 Barceló abans Barceló (1973-1982) qu’amassa pel primièr còp una seleccion d’òbras originalas e desconegudas de Miquel Barceló (Felantix, Malhòrca, 1957), anterioras a sa consecracion internacionala al moment de la Documenta de Kassel (1982).
L’objectiu principal d’aquesta exposicion es de presentar un ensemble de trabalhs demorats practicament invisibles dins l’istòria de l’artista.
Vertat que la major part de las òbras causidas per aquesta exposicion apartenen a la colleccion personala de l’artista e un grand nombre d’elas son pas encara estadas expausadas. Òbras qu’apartenen a colleccions publicas e privadas complètan finalament aquesta seleccion.
L’exposicion soslinha l’usatge de divèrses lengatges artistics que van de la pintrura al dessenh, en passant per la poesia visuala, las installacions espectacularas, o encara l’illustracion de libres. Un repertòri ric e variat, un resultat estonant.
Iniciada dins le quadre d’una cooperacion culturala al nivèl de l’euroregion Pirenèus Mediterranèa, aquesta exposicion se ven de presentar a Palma de Malhòrca al cors dels darrèrs meses e continuarà sa virada a Barcelona après son passatge a Tolosa.
Informacions practicas
Contactes
Les Abattoirs
76 alèias Charles-de-Fitte
31300 Tolosa
Tel : 05 62 48 58 00 (acuelh del musèu) o 05 34 51 10 60 (servidor vocal)
Tarifas :
7,00 € / 3,50 € (tarifa redusida)
Gratuit lo primièr dimenge de cada mes.
Oraris de dubertura
del dimècres al divendres de 10 oras a 18 oras
dissabte e dimenge de 11 oras a 19 oras
(Tampat los 1ièr de genièr, 1ièr de mai e 25 de decembre)
Siti Web :
www.lesabattoirs.org
Portal cultural de l’euroregion : http://www.euroregio-epm.org/pc/AppJava/fr/
