La dura pròva partirà de Roses lo 30 de junh e arribarà a Donostia-San Sebastián lo 7 de julhet e percorrerà, coma d’abitud, lo costat sud dels Pirenèus, en traversant e en jonhent Catalonha, Aragon, Navarra e Euskadi.

Mai de 220 ciclistas, de 15 nacionalitats, crosaràn los Pirenèus en escasença de l’edicion 2012 de Transpyr, qu’es considerada una de las cinc de pròvas mai duras de la planeta. Amb mai de 800 km e de 20.000 mètres de desnivèl positiu en sonque 8 estapas, aquela pròva fa venir los bikers mai competitius de tot lo mond e s’assolida coma un rendètz-vos destacat de la disciplina quitament après sonque doas edicions.
Al delà, coma dison eles meteisses, TRANSPYR foguèt creada per de personas e d’entitats restacadas als Pirenèus, apassionadas pel ciclisme e per l’espòrt a plen aire, en fomentant lo lèma e concèpte AMASSATS PELS PIRENÈUS: prepausar un desvolopament respectuós dels Pirenèus en armonia amb las siás gents, los sieus pòbles, culturas e vals, per mejan de projèctes que contribuiscan a estructurar una destinacion de torisme actiu e esportiu, e en fomentant a la mesura de çò possible una màger comunicacion entre los disparièrs pòbles que se tròban long del massís.