La banda dessenhada es un supòrt didactic motivant dins l’ensenhament primari e segondari en tant qu’esplech que facilita la lectura e la compreneson dels escolans, sustot per çò qu’es de las lengas estrangièras. En efièch, la BD, mercés a la combinason atractiva de l’imatge e del tèxt, encoratja, manten e estimula la creativitat e, d’aquel fach, favorís l’aprendissatge.
Aital, dos ostals d’edicion, un a Bordèu (Dadoclem), un a Vitòria-Gasteiz (Editorial Saure) an creat una exposicion « Lengas en botiòlas ». Aquela iniciativa a recebut lo sosten financièr de l´Euroregion Aquitània-Euskadi.
Sus vint afichas que faràn referéncia a d’experiéncias sus l´usatge de la BD per l´aprendissatge de las lengas, un doble espaci d´aprendissatge en linha es mes a disposicion del public que vesita l´exposicion.
Los exercicis de lengas en linha pòdon èsser realizats totalament o parcialament en : francés, espanhòl, basc, anglés, portugués essencialament, mas tanben en alemand e en italian.
Cada espaci receptor (sala d´exposicions, bibliotèca) metrà a disposicion dels vesitants qualques ordenadors equipats d´Internet explorer e Adobe Flash Flash. Un libret bilingüe francés-espanhòl (amb intradas en d´autras lengas segon los exercicis prepausats) es mes a disposicion del public perque l´experiéncia començada servisca de guida dins la sala d´exposicions e se poscan seguir en classa o a l’ostal.
Per mai d’informacion e/o se desiratz recebre l’exposicion, contactatz :
Itinerança de l’exposicion en França e francofonia :
Danica Urbani : danica.urbani@dadoclem.fr
Telefòn : +33 (0)6 715 88 755
Itinerança de l´exposicion en Espanha, Portugal e Andòrra :
Jean-François Saure : fran.saure@yahoo.es
Telefòn : +34 605 904 310
