Lo 29 d’octobre se debanèt lo XXXIII Conselh Plenari de la Comunautat de Trabalh dels Pirenèus (CTP). Coma cada annada, los representants dels uèch territòris han signat la Declaracion Comuna de Presidentsen un acte ont l’Aquitània assumiguèt la presidéncia del Consòrci

Aprèp doas annadas al capdavant de l’organisme, lo Ministre d’Afaires Exteriors d’Andòrra, Gilbert Saboya Sunyé, passèt lo testimòni al President del Conselh Regional d’Aquitània, Alain Rousset, novèl President de la Comunautat de Trabalh dels Pirenèus fins a 2017.

Dins lo Conselh Plenari intervinguèron los representants dels territòris: Gilbert Saboya, Ministre d’Afaires Exteriors d’Andòrra e President de l’Organisme Andorran de Cooperacion Transfrontalièra; Alain Rousset, Président du Conseil Régional d’Aquitaine; Francisco Javier Lambán, Presidente del Gobierno de Aragón; Roger Albinyana Siagi, Secretari d’Afers Exteriors i de la UE de la Generalitat de Catalunya; Iñigo Urkullu, lehendakari del Govèrn d’Euskadi; Suzanne Delieux, Conseillère Régionale du Languedoc-Roussillon; Marc Carballido, Vice-président du Conseil Régional de Midi-Pyrénées; i Unxue Barkos, Presidenta de Navarra.

La jornada comencèt amb la signatura de la Declaracion Comuna de Presidents. Lo document remarca l’importància de l’annada 2015 per la CTP, car en aquela annada s’a aprovat lo Programa Interreg V-A Espanha, França, Andòrra (POCTEFA 2014-2020), s’es confirmat a la CTP coma son Autoritat de Gestion e s’es lançada la primièra crida de projèctes d’aquel programa, que se dobriguèt lo 10 de setembre e se barrèt lo 10 de novembre de 2015.

En parallèl a la Declaracion foguèron presentadas las dralhas principalas del POCTEFA 2014-2020 per Pilar Maza, coordinadora de la Secretaria Conjunta del Programa, e s’expausèron quauques projèctes de referéncia de l’anterior Programa POCTEFA 2007-2013: l’Observatòri Pirenenc del Cambiament Climatic (OPCC), projècte transversal de  la CRP; GALLIPYR e PIREMOBV, projèctes transversals del POCTEFA 2007-2013; ENTREPYR, un projècte de proximitat del Programa; e DROJNET2 , un projècte de proximitat del POCTEFA 2007-2013.

Amb la signatura de la Declaracion Comuna, las autoritats dels uèch territòris assumisson son engatjament per garantir l’implementacion de projèctes vertadièrament transfrontalièrs e adreiçats a la consecucion dels objèctius enquadrats dins las politicas europèas. Un annada mai, la CTP declara son engatjament amb la conservacion del patrimòni natural paria per la seguida de l’Observatòri Pirenenc de Cambiament Climatic, un projècte emblematic per la CTP.